Për shkak të një lëndimi, Elvis Rexhbeçaj, humbi mundësinë për t’u paraqitur të dielën për Augsburgun që fitoi ndaj Hallescherit. Augsburgu e fitoi 2:0 ndeshjen për Kupë pa Rexhbeçajn në fushë. Ai mungoi shkaku problemeve me gju, raporton “Kicker” të hënën.
Nuk bëhet e ditur se kur mund të rikthehet Rexhbeçaj në fushë.
Mesfushori i Kosovës ka luajtur në Bundesliga të Gjermanisë 186 ndeshje, ndërsa ka shënuar dhjetë gola dhe ka kontribuar me nëntë asistime. Ai për Kupë të Gjermanisë është paraqitur 17 herë dhe ka tri gola e katër asistime.
Me Augsburgun ka kontratë deri në qershor të vitit të ardhshëm.