Kombëtarja e Shqipërisë në futboll sonte e luan ndeshjen e parafundit kualifikuese për Kupën e Botës 2026 në SHBA, Meksikë dhe Kanada.
Nga ora 20:45 do të përballet në Encamp kundër Andorrës.
Për ta vazhduar ëndrrën për kualifikim në Botërorin e vitit të ardhshëm, Shqipërisë i duhet fitore në ndeshjen ndaj Andorrës. Për të siguruar që të enjten plejofin kualifikues, i duhet edhe fitorja e Anglisë ndaj Serbisë, ndeshje e cila po ashtu nis nga ora 20:45.
Shqipëria synon një turne tjetër të madh të futbollit pas paraqitjes dy herë në Kampionatin Evropian.
Shqipëria dominon në fushë, por ende pa rast të mirë për gol
Shqipëria ka përqindjen më të lartë të posedimit të topit gjatë 15 minutave të para të ndeshjes kualifikuese për Kupën e Botës 2026 kundër Andorrës.
Shumë shikues e flamuj të Shqipërisë në Andorrë
Futbollistët e Shqipërisë kanë përkrahje të madhe nga tribunat në ndeshjen vendimtare kundër Andorrës. Shihen edhe shumë flamuj të Shqipërisë.
Ndeshja Andorrë – Shqipëri i takon kualifikimeve për Kupën e Botës 2026.
Është ndeshja e parafundit për të dyja përfaqësueset.
Përbërja startuese e Shqipërisë kundër Andorrës
Photo: Associated Press
Përzgjedhësi i Shqipërise në futboll, Sylvinho e ka publikuar formacionin startues për ndeshjen vendimtare kunder Andorrës, në kuadër të kualifikimeve për Kupën e Botës 2026.
Ndaj Andorrës, Shqipëria luan me formacion sulmues. Rey Manaj do te pêrkrahet në supm nga Arbër Hoxha dhe Armando Broja.
Ndeshja nis nga ora 20:45.
