Përditësim, 21:56 - Sulmuesi i Kosovës, Albion Rrahmani, ka vazhduar me formë të mirë në Çeki. Të dielën mbrëma, Rrahmani i shënoi dy gola në fitoren 3:1 të Sparta Pragës ndaj Zlinit. Ndeshja ishte e vlefshme për xhiron e shtatë të elitës çeke. Rrahmani shënoi për 1:0 në minutën e 31-të dhe për 3:0 në minutën e 59-të. Fushën e la në minutën e 80-të.
Rrahmani tani i ka pesë gola në shtatë paraqitje kampionale. Edicioni i kaluar nuk ishte shumë i mirë për kosovarin, por këtë edicion ai ka nisur furishëm.
Sparta është lidere me 19 pikë.
Rrahmani shënon golin e dytë
Përditësim, 21:28 - Sulmuesi Albion Rrahmani ka shënuar golin e dytë për Sparta Pragën që është duke fituar 3:0 ndaj Zlinit, në kuadër të xhiros së shtatë të elitës së futbollit çek.
Rrahmani, i cili shënoi golin e parë në minutën e 31-të, shënoi edhe për 3:0 në minutën e 59-të.
Albion Rrahmani číslo 2 a to nejpřesnější možné zakončení 🎯 pic.twitter.com/8eewzXMZIH
Tjetër gol nga Albion Rrahmani
Albion Rrahmani ka shënuar tjetër gol për Sparta Pragën. Ai të dielën mbrëma shënoi golin e epërsisë 1:0 për klubin elitar të Çekisë.
Rrahmani e realizoi golin në minutën e 31-të në duelin kundër Zlinit, në kuadër të xhiros së shtatë të elitës së futbollit të Çekisë.
Për sulmuesin 25-vjeçar është goli i shtatë në 13 ndeshje të zhvilluara me fanellën e Sparta Pragës këtë edicion në të gjitha garat.
⚽ Povedený signál z rohu přesně zakončil Albion Rrahmani sezónní trefou číslo 4⃣. #chanceliga pic.twitter.com/FiVxTJd1h4
— Oneplay Sport (@oneplaysportcz) August 31, 2025