Mesfushorja që paraqitet te Përfaqësuesja e Zvicrës, Riola Xhemaili, e kujton me krenari 10 korrikun e vitit të kaluar.
Në minutën e dytë të kohës shtesë e kishte shënuar golin e barazimit 1:1 ndaj Finlandës. Ishte ndeshja e fundit e Grupit A të Kampionatit Evropian.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy gol, që vlerësohet historik në Zvicër, ia siguroi avancimin tutje Zvicrës.
Zvicra më herët nuk kishte kaluar asnjëherë në çerekfinale të Evropianit, por këtë e arriti falë Xhemailit.
Xhemaili kishte luajtur në fund edhe ndaj Spanjës në çerekfinale, në humbjen 2:0.
Por, goli ndaj Finlandës do të mbetet gjatë në kujtesën e 23-vjeçares, që luan te PSV Eindhoveni në Holandë.
“E kujtoj atë gol shumë, shumë shpesh. Ishte e përkryer”, ka deklaruar Xhemaili të shtunën në një intervistë dhënë për “20 Minuten”.
Ajo ka thënë se më parë ka marrë komente negative në rrjetet sociale nga Zvicra dhe Kosova. Por, tani është krejtësisht e kundërta. Ka thënë se përkrahet shumë.
Xhemaili debutoi te Zvicra më 22 shtator të vitit 2020 në fitoren 2:1 ndaj Belgjikës. I ka 40 paraqitje.
Me PSV Eindhovenin në këtë edicion i ka shënuar 12 gola dhe katër asistime në 18 ndeshje të ligës.