Dy persona kanë marrë lëndime në një aksident trafiku që ka ndodhur të mërkurën në rrugën “Dëshmorët e Kombit” në Prishtinë.
Në aksident janë përfshirë dy vetura.
Zëdhënësi i Policisë për rajonin e Prishtinës, Enis Pllana, ka thënë se është pranuar informata për aksidentin rreth orës 15:30.
“Sot rreth orës 15:30 kemi pranuar informatën për një aksident trafiku me lëndime në rrugën “Dëshmorët e Kombit” në Prishtinë. Në aksident janë përfshirë dy vetura. Si pasojë lëndime kanë pësuar dy persona, të cilët kanë pranuar tretman mjekësor. Me rastin po merret Njësia e Trafikut të Kryeqytetit”, ka njoftura Pllana.