Policia Rajonale e Ferizajt ka ndërmarrë masa ndaj dy kamionëve transportues me targa të huaja, pas ankesave të qytetarëve.
Kamionët, të angazhuar nga kompani si persona juridikë, janë ndaluar nga policët e trafikut dhe janë ndëshkuar me një mijë euro gjobë për shkelje të rregullave të trafikut rrugor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Policisë, shoferët e autorizuar kishin për detyrë transportimin e dheut, mirëpo nuk kishin kryer pastrimin e gomave të automjeteve, duke shkaktuar ndotje të rrugës.
“Si pasojë, në tri lokacione të ndryshme është ndotur rruga magjistrale Ferizaj–Kaçanik, fshati Komogllavë”, thuhet në njoftimin e Policisë.
Sipas njoftimit, shoferëve u ndalohet hyrja nga rrugët dytësore të pashtruara në rrugë të asfaltuara pa hequr më parë baltën apo materialet e tjera të papastërta nga rrotat e automjeteve.