Katër persona janë intervistuar lidhur me vrasjen e rëndë që është raportuar të hënën në Baicë të Lipjanit.
Në raportin 24-orësh të Policisë, thuhet se identiteti i viktimës ende nuk dihet.
Trupi i pajetë i viktimës është gjetur i varrosur në një arë.
“Fsh. Baicë, Lipjan. 04.08.2025-12:05. Në një arë është gjetur i varrosur një trup i pajetë, mashkull rreth moshës 50-60 vjeçare, trupi i cili sipas IML-së është i freskët. Në vendin e ngjarjes kanë dalë edhe prokurori kujdestar bashku me njësinë e zhvarrimit e kanë nxjerr trupit e pajetë, momentalisht nuk dihet identiteti i tij. Në lidhje me rastin janë intervistuar katër dëshmitarët”, thuhet në raport.
Rasti është duke u hetuar.