Edhe një i mitur i cili ishte i shtrirë në Qendrën Klinike Universitare të Kosovës, pas një vetaksidenti në Treboviq të Pejës, ka vdekur.
Aksidenti ka ndodhur më 2 korrik, ku i vdekur në vendngjarje ka mbetur një i mitur tjetër.
Sipas njoftimit të Policisë, aksidenti kishte ndodhur në rrugën Pejë-Trestenik, kur automjeti që po qarkullonte në atë drejtim dyshohet se nuk iu është përshtatur kushteve të rrugës dhe shpejtësisë, duke humbur kontrollin dhe duke goditur një shtyllë betoni.
