Miley Cyrus i është lejuar të performojë këngë nga ditët e saj si Hannah Montana.
Superylli 32-vjeçar i muzikës pop është shkëputur nga imazhi i shëndetshëm që kishte krijuar në serialin muzikor të Disney Channel kur ai mbaroi në fillim të viteve 2010 dhe iu ndalua të performonte këngë nga kolona zanore e tij derisa korporata e emëroi atë Legjendë të Disney-t.
Duke folur në podkastin “Every Single Album”, ajo ka shpjeguar se pasi ishte larguar nga Disney nuk i ishte lejuar të performonte asnjë nga muzikat e serialit “Hannah Montana”.
"Pasi u pranova si Legjendë e Disney-t, më dhanë leje të performoja ato këngë në të ardhmen, gjë që është shumë interesante”, ka thënë Cyrus.
Hannah Montana ka paraqitur aventurat e një nxënëseje shkolle që jetonte një jetë të dyfishtë si një yll popi me famë botërore.
Seriali është zhvilluar për katër sezone nga viti 2006 deri në vitin 2011 dhe një film kinematografik u publikua në vitin 2009.
Çdo sezon dhe filmi kanë nxjerrë një kolonë zanore shumë të shitur me këngë origjinale, dhe turneu "The Best of Both Worlds" u zhvillua në vitin 2007.
”The Climb” e cila është shfaqur në skenën e fundit të "Hannah Montana: The Movie" dhe është publikuar nën emrin e saj, është e vetmja këngë nga seriali që Miley ka performuar vitet e fundit.
Pas pranimit të çmimit "Disney Legend" krijuesja e hitit "Easy Lover" është shprehur se është krenare që ka luajtur rolin e yllit fiktiv të popit.
