Procesi i vlerësimit të pakove me fletëvotime nga votimi jashtë Kosovës, përkatësisht përmes postës, po vazhdon në Qendrën e Numërimit dhe Rezultateve (QNR).
Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se deri të mërkurën në orën 10:00 janë shqyrtuar mbi 7 mijë pako të supozuara me fletëvotime. Prej tyre, 7,153 janë aprovuar, ndërsa 142 janë refuzuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Elezit, arsyeja kryesore e refuzimit ka qenë mungesa e dëftesës së regjistrimit, dokument që përmban të dhëna unike dhe që KQZ-ja ua dërgon votuesve të regjistruar për votim përmes postës. Vetëm për këtë arsye janë refuzuar 114 pako.
“Procesi i vlerësimit ka nisur më 9 qershor në orën 16:00 dhe synon të verifikojë nëse pakot janë dërguar nga votuesit e regjistruar për votim përmes postës. Pas përfundimit të këtij procesi, KQZ-ja do të publikojë numrin përfundimtar të pakove me fletëvotime që do t’i nënshtrohen numërimit në Qendrën e Numërimit dhe Rezultateve”, ka deklaruar Elezi.
Ndërkohë, më 8 qershor është përmbyllur procesi i tërheqjes së pakove me fletëvotime nga votimi jashtë Kosovës. Sipas KQZ-së, pakot janë tërhequr nga 23 kuti postare të vendosura në 22 shtete të ndryshme, si dhe në Kosovë.
Nga këto kuti postare janë tërhequr mbi 85,700 pako të supozuara me fletëvotime, një pjesë e të cilave tashmë janë transportuar në Kosovë për t’iu nënshtruar procesit të verifikimit.
Gjatë periudhës së regjistrimit, nga 6 deri më 17 maj, gjithsej 104,480 shtetas janë regjistruar për të votuar përmes postës në zgjedhjet e parakohshme. Mbi 20 mijë votuan në përfaqësi diplomatike.