Ardian Shala, kandidat i Lidhjes Demokratike të Kosovës për kryetar të Suharekës, ka akuzuar kryetarin aktual Bali Muharremaj për cilësi të dobët të punimeve në mandatin që po mbaron.
Ai ka thënë se edhe raporti i auditorit ka konstatuar mosrealizimin e projekteve.
Me këtë rast, Shala ka publikuar fotografi të rrugëve të cilat sipas tij janë dëmtuar edhe pse sapo janë shtruar.
“Është diçka e tmerrshme se çfarë punë janë bërë. Këto janë të tashme, brenda një viti apo dy”, ka thënë ai.
Shala e ka akuzuar Muharremajn edhe për mosmbajtje të premtimit për furnizim me ujë në disa fshatra dhe në qendër të qytetit.
