Kryetari i AAK-së, Ramush Haradinaj, pas tubimit të kësaj partie sonte në Klinë, ka thënë se është dëshmuar vendosmëria për të vazhduar rrugën e zhvillimit me kryetarin Zenun Elezaj.
“Sonte, në një tubim të jashtëzakonshëm, Klina e dëshmoi vendosmërinë për ta vazhduar rrugën e zhvillimit me kryetarin Zenun Elezaj – 174. Bashkëqeverisja që prof. Zenun Elezaj ka ndërtuar me qytetarët është garanci e projekteve që e kanë çuar Klinën përpara dhe që do ta çojnë edhe më lart në mandatin e ri”, shkroi Haradinaj në Facebook.
Ai ka shprehur mirënjohje për pritjen dhe mbështetjen e jashtëzakonshme.
