-
Nga:
Rajmonda Zhdrella - Sopjani
- 19 mars 2026 12:13
- Shpërndaje në:
Drejtori i Asociacionit të Komunave të Kosovës, Sazan Ibrahimi, ka thënë se sipas vlerësimeve fillestare të komunave të prekura nga vërshimet e fundit, dëmet deri më tani tejkalojnë shumën prej 5 milionë eurosh, siç ka thënë ai, duke prekur rëndë ekonomitë familjare, bizneset lokale dhe infrastrukturën publike.
Ai ka thënë se komunat më të prekura, sipas vlerës së dëmeve, janë: Gjakova – 2.7 milionë euro, Drenasi – mbi 1.5 milionë euro, Peja, Rahoveci dhe Mitrovica – me nga 800 mijë euro secila, Klina – mbi 650 mijë euro e Malisheva – 540 mijë euro.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIbrahimi ka thënë se vlerësimet ende nuk janë përfundimtare për disa komuna të tjera.
“Në këtë situatë, i bëjmë thirrje nivelit qendror për reagim urgjent dhe të koordinuar institucional; alokim të menjëhershëm të mjeteve financiare; aktivizim të fondeve emergjente dhe mekanizmave shtetërorë; mbështetje konkrete për sanimin e dëmeve dhe rikthimin e normalitetit për qytetarët dhe bizneset si dhe shtim të veprimit institucional që këto mos të përsëriten, pra të punohet dhe veprohet në parandalimin e vërshimeve”, ka thënë Ibrahimi në një përgjigje për KOHËN.
Ai ka thënë se komunat nuk mund të përballojnë të vetme këtë barrë financiare.
Sipas tij pa një ndërhyrje të shpejtë nga niveli qendror, rrezikohet seriozisht realizimi i shumë projekteve dhe ofrimi i shërbimeve për qytetarët.