Ushtruesja e detyrës së presidentes, Albulena Haxhiu, ka refuzuar ta quajë shkarkim lirimin nga detyra të shefit të Misionit në Vatikan, Vehbi Miftari. Ajo ka bërë të ditur se procedurat për largimin e tij kanë nisur më 2025.
Haxhiu ka thënë se i ka pranuar një numër të madh të lëndëve nga ish-presidentja Vjosa Osmani dhe ka vazhduar me procedurat aty ku gjithçka ka qenë në rregull.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë nuk do ta quaja shkarkim. Çdo kthim nga misioni diplomatik nuk është shkarkim. Në diplomaci ka emërime, kthime e rotacion dhe ka nevojë që shërbimi i jashtëm të funksionojë sipas ligjit dhe nevojave të shtetit. Sa i përket zotit Miftari, procedura për lirimin e tij ka nisur më 2025. Kam trashëguar një numër të madh lëndësh në raport me këto çështje. I kam trashëguar nga presidentja Osmani dhe aty ku gjithçka ishte në rregull në raport me procedurat do t’i vazhdoj. Janë bërë 8 emërime, tri lirime dhe dy riorganizimeve të misioneve konsullore”, ka thënë ajo në një konferencë për media të enjten, pas caktimit të datës së zgjedhjeve të ardhshme.
