-
Nga:
Ekonomia Online
- 24 qershor 2025 16:49
- Shpërndaje në:
Kryetari i Odës Ekonomike të Kosovës, Lulzim Rafuna, iu kundërpërgjigj Zyrës së Rregullatorit për Energji (ZRRE), e cila ka konfirmuar se nuk e ka pezulluar vendimin për liberalizimin e tregut të energjisë elektrike.
ZRRE-ja ka sqaruar se ky është një rast individual, që lidhet vetëm me një kompani të veçantë, dhe nuk ndikon në të gjitha bizneset.
Mirëpo, Rafuna tha se ishte padia vetëm e një biznesi individual se aq ishin mundësitë ligjore, sepse Oda Ekonomike nuk ka pasur të drejtë të bëjë padi për 1300 biznese.
“Mundësi e vetme ligjore kjo ka qenë. Meqenëse nuk ishte vendimi, një akt administrativ ai i ZRRE-së, por ishte vetëm një njoftim, secili biznes mund ta atakojë atë. Janë qindra padi të tjera të bizneseve për njoftimin e ZRRE-së. Ky vendimi i sotëm është i i pari. Do të ketë vendime të tjera të Gjykatës Komerciale. Është lajm shumë i mirë për bizneset”, tha Rafuna.
