Dërgimin e Forcës së Sigurisë së Kosovës (FSK) të martën në Liqenin e Ujmanit për të ndihmuar në gjetjen e një mërgimtari që dyshohet se vdiq pasi u hodh në ujë dy ditë më parë, Lëvizja Vetëvendosje e ka quajtur si “zbarkimin e parë në veri të kësaj force”.
Në një postim në Facebook, kjo parti e ka shpërndarë fjalimin e ministrit në detyrë të Mbrojtjes dhe krahas saj ka shkruar: “FSK për herë të parë si ushtri në veri të vendit”.
FSK-ja ka marrë leje nga KFOR-i për të zhvilluar kërkimet në Ujman. Kjo forcë nuk mund të shkojë në veri pa pëlqimi e misionit të NATO-s në Kosovë, bazuar në zotimin e vitit 2013 nga Qeveria e Kosovës ndaj aleancës veriatlantike.
Një mërgimtar të dielën dyshohet se vdiq pasi u hodh nga ura në Liqenin e Ujmanit. Për dy ditë, Policia dhe Shoqata e Kërkim-Shpëtimit nuk arritën ta nxjerrin trupin.
-
Ish-komandanti i FSK-së: S’ishte hera e parë sot që ushtria zbarkoi në veri
-
KFOR-i thotë se autorizoi FSK-në për kërkime në Ujman nën kërkesa specifike
-
Smakiqi: Futja e FSK-së në veri, për të ndihmuar Pecin në garën për Mitrovicën
-
KFOR-i deklarohet për hyrjen e gabuar të FSK-së në veri
-
Britania vlerëson koordinimin mes KFOR-it dhe FSK-së për operacionin në Ujman