Klinika Infektive në Qendrën Klinike Universitare të Kosovës, ka njoftuar se brenda tri ditëve të fundit, 70 persona kanë kërkuar ndihmë mjekësore, prej të cilëve 22 u hospitalizuan pas dyshimeve për helmim nga ushqimi.
Sipas njoftimit, pacientët kanë kërkuar ndihmë mjekësore me ankesa për ethe, temperaturë, dhimbje barku, të vjella dhe diare. Bazuar në anamnezën e marrë nga mjekët, simptomat janë shfaqur disa orë pas konsumimit të ushqimit.
“Klinika Infektive në Qendrën Klinike Universitare të Kosovës (QKUK) ka njoftuar se, duke filluar nga data 10 korrik 2026, ka shënuar rritje të numrit të pacientëve që janë paraqitur me simptoma të dyshuara të helmimit nga ushqimi. Sipas njoftimit, pacientët kanë kërkuar ndihmë mjekësore me ankesa për ethe, temperaturë, dhimbje barku, të vjella dhe diare. Bazuar në anamnezën e marrë nga mjekët, simptomat janë shfaqur disa orë pas konsumimit të ushqimit”, thuhet në njoftim.
Infektiva po ashtu ka bërë të ditur se të gjitha rastet e hospitalizuara janë raportuar në Inspektoratin Shëndetësor, Institutin Kombëtar të Shëndetësisë Publike të Kosovës (IKShPK) dhe janë evidentuar në Sistemin e Mbikëqyrjes së Sëmundjeve Ngjitëse (SMSN), në përputhje me procedurat në fuqi.
Pacientët e shtruar në spital janë nën mbikëqyrje të vazhdueshme mjekësore dhe po marrin trajtimin e nevojshëm, sipas gjendjes së tyre klinike. Sipas Klinikës Infektive, gjendja e tyre vazhdon të kërkojë trajtim dhe monitorim të vazhdueshëm.
-
Sa zgjat helmimi nga ushqimi dhe si shkaktohet
-
IKSHPK-ja apelon për kujdes shkaku i temperaturave të larta gjatë fundjavës
-
Për rreth dy muaj në Kosovë u raportuan 40 raste më fruth
-
Për dy muaj 36 raste me fruth në Kosovë, IKSHPK-ja bën thirrje për vaksinim
-
Nis hetimi pas dyshimeve për keqpërdorim me furnizimin me barna esenciale dhe lista të pritjes në QKUK