-
Nga:
Donisa Fazliu
- 13 qershor 2025 10:09
- Shpërndaje në:
Policia Fahri Shala në dëshminë tij në rastin “Banjska”, ka deklaruar se grupi që e ka organizuar sulmin në Banjskë ka qenë i mirëorganizuar dhe i trajnuar mirë.
“Ky grup është ushtarak, nga grupet paraushtarake të Serbisë. Ndërsa sa i përket numrit, mundet me qenë rreth 50 persona. Ka qenë erresirë, identifikimin e plotë nuk kemi mundur ta bëjmë, kemi vërejtur që kanë qene me uniformë dhe kanë pas maskë, gjatë levizjes së shpejt”, ka deklaruare ai.
Ai ka thënë se të shtënat kanë ardhur nga më shumë se 20 vende.
“Armatim që është përdor ndaj nesh, nuk jam ekspert por është përdor prej armës ma të lehtë deri te më e rënde, që përdoret për automjete të blinduara”, ka shtuar ai.
Ai ka thënë se pasi e kanë tërhequr trupin e reshterit të vrarë Afrim Bunjaku, janë sulmuar me granata dore. Ka thënë se e ka të dëmtuar timpanin e veshit nga detonimi i një granate mbi kamionin në të cilin gjendeshin.
Ka theksuar se shpreson që grupi që e ka kryer sulmin të marrë dënimin e merituar.
VIDEO: Dëshmia e Fahri Shalës
Polici Dushi rrëfen për pasojat shëndetësore pas sulmit në Banjskë
Zyrtari policor Sedat Dushi, gjatë dëshmisë së tij për rastin “Banjska”, ka thënë se si pasojë e sulmit ka humbur 30% të dëgjimit.
“Shpesh vajza ma bonte babi s’po dëgjon ... pas kontrolleve që kam bërë, unë sipas mjekëve kam humbur dëgjimin për 30%. Kam përdorur terapi dhe pastaj jam munduar ta marrë veten ... Me insistimin tim jam kthyer në stacionin policor në Zveçan”, ka theksuar Dushi.
VIDEO:
Ai ka thënë se në natën kur ka ndodhur sulmi, kur ka shkuar në spital ka qenë në gjendje të rëndë, por se ka pasur shpresë që rreshteri Afrim Bunjaku është ende gjallë.
“Por, aty e kanë konfirmuar që rreshteri ka vdekur. Aty kam rëndë në gjunjë, duke kapur kokën, pas një kohe e kam parë veten të shtrirë në një krevat të emergjencës në Mitrovicë. Kam bërë kontrolle, shërbime mjekësore në Polici dhe kam pas terapi psikologjike, psikiatrike, seanca të shumta me psikolog dhe psikiatër dhe pas ekzaminimeve të bëra, unë kam pasur trauma dhe gjithashtu kam pasur pengesa me dëgjim”, është shprehur ai.
Vazhdon gjykimi për sulmin në Banjskë, sot dëshmojnë policët Shala e Dushi
Në Gjykatën Themelore në Prishtinë ka nisur seanca e radhës gjyqësore për rastin Banjska ku të akuzuar janë Dushan Maksimoviq, Blagoje Spasojeviq dhe Vladmir Tolliq.
Sot pritet të dëshmojnë zyrtarët policorë Fahri Shala e Sedat Dushi.
I pari do të dëshmojë Shala.
Lidhur me sulmin e shtatorit të 2023-tës, Prokuroria Speciale ka ngritur në shtator të vitit të shkuar aktakuzë ndaj Milan Radoiçiqit dhe 43 personave të tjerë për sulmin në Banjskë.
Tre prej tyre janë arrestuar në vendin e ngjarjes dhe po gjykohen, ndërsa për 41 të tjerë është lëshuar fletarrestim ndërkombëtar.
Aktakuza i ngarkon shumicën e të akuzuarve për kryerje të terrorizmit dhe për vepra të rënda kundër rendit kushtetues dhe sigurisë së Republikës së Kosovës. Sipas dokumentit prej 158 faqesh, Radoiçiqi ngarkohet edhe me akuzën për lehtësim dhe financim të kryerjes së terrorizmit dhe shpëlarje të parave, ndërsa Radulle Steviq dhe personi juridik RAD D.O.O. me shpëlarje të parave. Në aktakuzë thuhet se grupi i serbëve të armatosur, nëpërmjet përdorimit të dhunës me armatim të rëndë, ka tentuar “ta shkëpusë pjesën veriore të territorit të Republikës së Kosovës, respektivisht komunat e banuara me shumicë serbe, dhe këtë pjesë të territorit t’ia bashkojë Republikës së Serbisë”.
