Presidenti amerikan, Donald Trump ka njoftuar të enjten se është arritur marrëveshja tregtare në mes SHBA-së dhe Britanisë së Madhe, si marrëveshja e parë e madhe tregtare e SHBA-së pas vendosjes së tarifave universale prej 10 për qind ndaj të gjitha vendeve.
Marrëveshja përfshinë largimin e tarifës prej 25% në çelikun dhe aluminin britanik dhe menjëherë e ul tarifën nga 27.5% në 10% për 100 mijë veturat e para nga Britania për çdo vit.
Sipas marrëveshjes palët janë pajtuar për një qasje reciproke në tregun e mishit dhe Britania do të largojë tarifat e etanolit që importohet nga SHBA-ja e që përdoret për prodhimin e birrës.
E pas marrëveshjes, Trumpi i ka vlerësuar marrëdhëniet me Britaninë e Madhe duke shtuar se marrëveshjen për vetura nuk do ta bënte me asnjë vend tjetër.
E kryeministri britanik ka deklaruar se marrëveshja është fantastike dhe jo vetëm që do të mbrojë, por edhe do të krijojë punë të reja.
