Zjarrfikësit janë përpjekur të shuajnë disa zjarre në Francë gjatë fundjavës, ndërsa vendi ka përjetuar kulmin e valës së tretë të nxehtësisë këtë verë.
Personeli ushtarak dhe ekipet e zjarrfikësve janë parë duke u përballur me flakët në rajonin Drôme në Francën jugore të shtunën.
Zjarrfikësit kanë punuar për të shuar zjarret dhe për të ndaluar përhapjen e tyre në tokë, ndërsa helikopterët ushtarakë kanë hedhur ujë dhe lëndë kundër zjarrit nga lart.
Kjo vjen ndërsa temperatura në Francë ka arritur në 40 gradë celsius në zonat perëndimore dhe qendrore gjatë valës së fundit të nxehtësisë.
Në kryeqytetin francez, Kulla Eiffel ishte planifikuar të mbyllej pasdite gjatë fundjavës në vend që të mbyllej vonë natën, siç ndodh zakonisht.
Edhe
Mijëra njerëz në Francë mbesin pa energji elektrike mes të nxehtit ekstrem
Muzeu i Luvrit dhe Orsay kanë njoftuar gjithashtu orare të shkurtuara të hapjes për shkak të valës së nxehtësisë.
Muaji i kaluar ishte qershori më i nxehtë i regjistruar ndonjëherë në Francë, teksa vdekjet u rritën me gati një të tretën gjatë javës më të nxehtë.
