-
Përktheu:
Flutura Gashi-Mehmeti
- 31 mars 2026 15:16
- Shpërndaje në:
Vizita e parë shtetërore e Mbretit Charles në Shtetet e Bashkuara do të zhvillohet muajin e ardhshëm, pavarësisht thirrjeve që udhëtimi të shtyhet për shkak të kundërshtimeve ndaj luftës në Iran.
Pallati Buckingham ka njoftuar të martën se Mbreti Charles dhe Mbretëresha Camilla do të bëjnë udhëtimin përtej Atlantikut me këshillën e qeverisë së Mbretërisë së Bashkuar dhe me ftesë të presidentit të SHBA-së, Donald Trump.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Programi i Madhërive të Tyre do të festojë lidhjet historike dhe marrëdhëniet moderne dypalëshe midis Mbretërisë së Bashkuar dhe Shteteve të Bashkuara, duke shënuar 250-vjetorin e Pavarësisë Amerikane", ka thënë pallati.
Edhe pse vizita nuk u konfirmua deri të martën, udhëtimi i Mbretit në Uashington këtë pranverë është spekuluar gjerësisht në median britanike për javë të tëra.
Megjithatë, një numër gjithnjë e në rritje i ligjvënësve të Mbretërisë së Bashkuar kanë vënë në pikëpyetje nëse do të ishte e mençur që Charles të vazhdonte me vizitën, me disa që bëjnë thirrje që udhëtimi të anulohet ose të shtyhet, ndërsa konflikti në Lindjen e Mesme hyn në muajin e dytë.
Vizita e parë shtetërore e Charles në SHBA vjen pasi Trumpi ka kritikuar vazhdimisht qeverinë e Mbretërisë së Bashkuar për reagimin e saj ndaj luftës së SHBA-së dhe Izraelit me Iranin.
Kryeministri i Mbretërisë së Bashkuar, Keir Starmer, përsëriti qëndrimin e tij të hënën, duke thënë se “Kjo nuk është lufta jonë dhe ne nuk do të përfshihemi në të”.
Pas udhëtimit të Mbretit në SHBA, Charles do të udhëtojë për në Bermuda për vizitën e tij të parë si monark në një Territor Britanik Jashtë Shtetit, ka njoftuar gjithashtu pallati.