-
Përktheu:
Flutura Gashi-Mehmeti
- 6 gusht 2025 09:21
- Shpërndaje në:
Të paktën dy persona janë vrarë dhe 10 të tjerë të plagosur, përfshirë katër fëmijë, në rajonin Zaporizhzhia të Ukrainës, ka bërë të ditur të mërkurën guvernatori Ivan Fedorov.
Forcat ruse kanë kryer 567 sulme gjatë 24 orëve deri në mëngjesin e së mërkurës në 16 vendbanime në rajon, ka thënë Fedorov. Zaporizhzhia ka qenë në vijën e parë të luftës që Rusia nisi kundër fqinjit të saj më të vogël në shkurt 2022.
Të paktën nëntë ndërtesa janë dëmtuar në sulmet e mëngjesit të hershëm vetëm në rrethin e qytetit Zaporizhzhia, ka thënë Fedorov në aplikacionin e mesazheve Telegram.
"Shërbimet e emergjencës vazhdojnë të përgjigjen në terren”, ka thënë Fedorov.
Të dyja palët mohojnë se kanë synuar civilët në sulmet e tyre në territorin e njëra-tjetrës.
Por mijëra civilë kanë vdekur në konflikt, shumica dërrmuese e të cilëve janë ukrainas.