-
Përktheu:
Flutura Gashi-Mehmeti
- 16 tetor 2024 18:07
- Shpërndaje në:
Sekretari i Përgjithshëm i NATO-s, Mark Rutte, ka thënë të mërkurën në Bruksel se besonte fuqishëm që Ukraina do të jetë një ditë anëtare e NATO-s.
Rutte po qëndron në Bruksel, ku ai do të kryesojë të enjten takimin e tij të parë ministror si sekretar i përgjithshëm i organizatës.
"Ne po punojmë me urgjencë për të ofruar një komandë të re të NATO-s për të koordinuar ndihmën dhe trajnimin e sigurisë për Ukrainën, për të ofruar më shumë mbështetje për të ndërtuar forcat e ardhshme të Ukrainës, një premtim financiar prej të paktën 40 miliardë eurosh ushtarake dhe nismën për të mbështetur Ukrainën në rrugën e saj të pakthyeshme drejt anëtarësimit në NATO”, ka deklaruar Rutte.
Presidenti ukrainas Volodymyr Zelensky ka thënë të mërkurën se plani i tij për të fituar luftën e vendit të tij kundër pushtimit rus mund të sjellë paqe vitin e ardhshëm, por ai përfshinte një hap që disa aleatë të rëndësishëm perëndimorë kanë refuzuar deri më tani ta pranojnë: ftesën e Ukrainës për t'u bashkuar me NATO-n përpara përfundimit të luftës.
Zelensky kohët e fundit është përpjekur ta fitojë miratimin për planin nga partnerët perëndimorë, të cilët deri më tani nuk kanë shprehur publikisht mbështetjen e tyre për të.
“Kam besim të fortë se një ditë Ukraina do të jetë anëtare e NATO-s. Natyrisht, u takon aleatëve që të diskutojnë mes tyre se si ta çojnë këtë përpara”, është shprehur Rutte.
LEXO EDHE:
