Astronauti amerikan i misionit Apollo 8, Bill Anders, i cili ka shkrepur një prej fotografive më të shpërndara të Tokës nga Hapësira, ka vdekur si pasojë e rrëzimit të një aeroplani, në moshën 90-vjeçare.
Zyrtarët kanë thënë se aeroplani i vogël është rrëzuar në detin jashtë Washingtonit.
Djali i Andersit, Gregu, e ka konfirmuar gjetjen e trupit të babait të tij.
“Familja është e pikëlluar. Ai ka qenë pilot fantastik. Do të na mungojë”, është thënë në deklaratën e familjes.
Anders – pilot në misionin Apollo 8 për të arritur në Hënë – e ka shkrepur një fotografi ikonike të planetit Tokë, e cila njihet si një prej pamjeve më inspiruese të Tokës prej Hapësirës.
Edhe
Tetë të vdekur pas rrëzimit të një avioni ushtarak amerikan
Fotografia është bërë në periudhën e Krishtlindjes, më 1968.
Anders më vonë e ka përshkruar fotografinë si kontributin e tij më të madh për programin hapësinor.
Pas kthimit, ai pati thënë: "Ne kemi bërë gjithë këtë rrugë për të eksploruar Hënën, dhe gjëja më e rëndësishme që kemi zbuluar ka qenë Toka”.
Anders ka shërbyer edhe si pilot rezervë në misionin Apollo 11, që ka rezultuar me uljen e parë të njeriut në Hënë, më 24 korrik 1969.
Edhe
12 të vdekur pas rrëzimit të aeroplanit në Missouri të SHBA-së
Pas pensionimit prej programit hapësinor, Anders ka punuar për kohë të gjatë në industrinë hapësinore.
Ai ka qenë edhe ambasador amerikan në Norvegji në vitet ’70./ REL
