Tifozë të shumtë në rrjetet sociale kanë komentuar ngjarjet që kanë ndodhur në ndeshjen Argjentina – Zvicra.
Argjentina e siguroi gjysmëfinalen me Anglinë pas fitores 3:1 në vazhdime ndaj helvetikëve.
Në mesin e shumë rasteve që ngjallën reagime, është folur edhe për një karton të kuq për Lautaro Martinezin.
Sulmuesi i Interit e shënoi golin për 3:1 në minutën e 121-të.
Ai ishte ndëshkuar me karton të verdhë në minutën e 98-të. Pasi e shënoi golin, iu afrua tifozëve dhe festoi me ta.
Njohës të futbollit besojnë së ai e meritoi kartonin e dytë të verdhë, përjashtimin nga loja dhe mungesën në gjysmëfinale ndaj “Tre Luanëve”.
Edhe
Argjentina në gjysmëfinale, Zvicra largohet me kokën lart
Rregullorja thotë që nëse një lojtar i afrohet shumë tifozëve në festë dhe krijon rrezik për sigurinë e turmës, ndëshkohet me të verdhë.
Por, Lautaro Martinezi shpëtoi pa u ndëshkuar dhe do të luajë ndaj Anglisë.
