Ballkani kishte epërsi për kohë të gjatë në ndeshjen ndaj Bohemianit. Por pranoi dy gola në fundin e ndeshjes dhe u mposht 2:1 në Dublin të Irlandës.
Ndeshja e zhvilluar të mërkurën mbrëma ishte e para e rrethit të dytë kualifikues të Ligës së Konferencës. Suharekasit ishin pranë fitores dhe rezultatit shumë pozitiv për ndeshjen kthyese në Prishtinë. Por, goli i Toni Domgjonit nga penalltia në pjesën e parë, nuk i mjaftoi. Ish-reprezentuesi i Kosovës shënoi për tri herë kampionin e Kosovës në minutën e 29-të.
Vendësit u kthyen fuqishëm në pjesën e dytë. Barazuan rezultatin fillimisht me Douglas James-Taylorin në minutën e 76-të, ndërsa iu gëzuan fitores një minutë para fundit kur shënoi Ross Tierney.
Ballkani megjithatë ende ka shpresa për të avancuar në rrethin tjetër të garës. Të enjten e ardhshme luan para tifozëve të vet në ndeshjen kthyese që nis në orën 20:00.
Ballkani në kupat evropiane luan prej edicionit 2022/23.
Dy herë rresht luajti në fazën grupore të Ligës së Konferencës, në edicionet 2022/23 dhe 2023/24.
Ballkani pranon edhe golin e dytë
Ballkani është në prag të humbjes në ndeshjen e parë të rrethit të dytë kualifikues të Ligës së Konferencës.
Edhe
Ballkani sot e vazhdon rrugëtimin në Evropë
Skuadra suharekase ka pranuar gol në minutën e 89-të.
Shënues për 2:1 për ekipin irlandez Bohemian ishte Ross Tierney. Ndeshja po luhet në Dublin.
Barazohet rezultati në Dublin
Skuadra irlandeze Bohemians e ka barazuar rezultatin në ndeshjen ndaj Ballkanit.
Douglas James-Taylor ka shënuar për 1:1, në minutën e 76-të të ndeshjes.
Penalltia e Domgjonit mban në epërsi Ballkanin
Penalltia e realizuar nga ish-reprezentuesi i Kosovës, Toni Domgjoni, e ka mbajtur në epërsi Ballkanin pas pjesës së parë.
Edhe
Ballkani të mërkurën e vazhdon rrugëtimin në Evropë
Ballkani i Suharekës, tri herë rresht kampion i Kosovës, është duke fituar 1:0 në udhëtim te Bohemiansi i Irlandës.
Është ndeshja e parë e rrethit të dytë kualifikues të Ligës së Konferencës.
Domgjoni, që ka katër paraqitje e një gol të shënuar me Kosovën, realizoi nga penalltia e minutës së 29-të.
Ndeshja kthyese e këtij ballafaqimi zhvillohet të enjten e ardhshme në stadiumin “Fadil Vokrri” në Prishtinë, nga ora 20:00.
Ballkani në kupat evropiane luan prej edicionit 2022/23.
Dy herë rresht luajti në fazën grupore të Ligës së Konferencës, në edicionet 2022/23 dhe 2023/24.
Ballkani në epërsi
Ballkani ka kaluar në epërsi në ndeshjen e parë të raundit të dytë kualifikues të Ligës së Konferencës.
Me humbje të thellë, Ballkani mbyll paraqitjen në Evropë
Ballkani është duke fituar 1:0 ndaj skuadrës Bohemians.
Nga penalltia e minutës së 29-të, i saktë ishte Toni Domgjoni.
