Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLlapi në gjysmëfinale të Kupës së Kosovës
Llapi ka kaluar në gjysmëfinale të Kupës së Kosovës.
Llapjanët kaluan në gjysmëfinale pas ekzekutimit të penalltive, 3:2.
Donat Vitija dhe Arbër Pira humbën penalltitë për Malishevën.
120 minutat e ndeshjes çerekfinale të Kupës së Kosovës në futboll ishin dramatike.
Koha e rregullt dhe vazhdimet dy herë nga 15 minuta përfunduan 2:2.
Malisheva dy herë ishte në epërsi.
Epërsinë e parë e krijoi në minutën e katërt. Golin për 1:0 e shënoi sulmuesi Mevlan Zeka.
Më pas, Llapi barazoi nëpërmjet mesfushorit Besar Musolli, i cili shënoi me kokë në minutën e 49-të.
Malisheva shënoi sërish në vazhdime për epërsinë 2:1. Sërish nëpërmjet sulmuesit Zeka
Megjithatë, penalltitë Llapit ia siguroi goli i shënuar me kokë nga Fuad Abazi.
Heroi i Llapit shënoi golin e barazimit 2:2 në minutën e 120-të.
Llapi është gjysmëfinalisti i fundit.
Të mërkurën kalimin në gjysmëfinale e siguruan Ballkani, Ferizaj dhe Dukagjini. Gjysmëfinalet luhen me sistem vajtje-ardhje.
Drama në Podujevë vendoset pas penalltive
Fuad Abazi i Llapit realizoi gol për rezultatin 2:2. Ai shënoi me kokë në minutën e fundit të ndeshjes ndaj Malishevës që zgjati 120 minuta.
Penalltitë do të vendosin gjysmëfinalistin e fundit të Kupës së Kosovës në futboll.
Zeka kalon sërish Malishevën në epërsi
Sulmuesi Mevlan Zeka shënoi tjetër gol ndaj Llapit. Ai realizoi golin e epërsisë 2:1 në minutën e 109-të të ndeshjes çerekfinale të Kupës së Kosovës në futboll.
Golin e parë për Malishevën, Zeka e shënoi në minutën e katërt.
Shkon në vazhdime ndeshja Llapi – Malisheva
Ka shkuar në vazhdime ndeshja çerekfinale e Kupës së Kosovës në futboll ndërmjet Llapit dhe Malishevës. 90 minutat e ndeshjes në Podujevë përfunduan baras, 1:1.
Malisheva ishte në epërsi me golin e shënuar nga sulmuesi Mevalan Zeka në minutën e katërt.
Por Zeka “asistoi” më pas për Besar Musollin që shënoi golin e barazimit 1:1.
Mesfushori i Llapit, Musolli, shënoi me kokë në minutën e 49-të pas tentimit të Zekës për të larguar po ashtu me kokë topin.
Shënohet tjetër gol në “Zahir Pajaziti”
Skuadra e Llapit ka shënuar gol në fillim të pjesës së dytë të ndeshjes ndaj Malishevës.
Llapi shënoi golin e barazimit 1:1 në minutën e 49-të. Golin e barazimit ndaj Malishevës për Llapin e shënoi Besar Musulli.
Musolli shënoi me kokë.