Shkëlqim Vladi është kthyer tek Aarau, që garon në Kategorinë e Dytë të Zvicrës.
Aarau ka arritur marrëveshje me Luganon për huazimin e sulmuesit 25-vjeçar.
Vladi luajti për St. Gallenin në Superligë gjatë stinorit vjeshtor të edicionit 2025/2026.
Në 12 ndeshje në Superligë shënoi një gol.
“Me cilësitë e tij të realizimit të golave dhe përvojën, Vladi është një shtesë e shkëlqyer për sulmin tonë. Jemi të kënaqur që ai do t’i bashkohet ekipit tonë në gjysmën e dytë të sezonit”, ka thënë drejtori sportiv i Aaraut, Elsad Zverotiq.
Vladi luajti edhe më herët për Aaraun para se në vitin 2023 t’i bashkohej Luganos.
Me Luganon, Vladi ka kontratë deri në qershor të vitit 2027.