Një i mitur është arrestuar të hënën në Fushë Kosovë, pasi u kap duke drejtuar një motoçikletë që dyshohet të jetë e vjedhur.
Gjatë ndërhyrjes në vendin e ngjarjes, njësiti policor ka gjetur edhe një tjetër motoçikletë–skuter me targa vendore, për të cilën po ashtu dyshohet se është e vjedhur.
“Dy motoçikletat janë sekuestruar dhe janë sjellë në stacion policor pasi ende nuk ka ndonjë ankues”, thuhet në raportin 24-orësh të Policisë.
Në kontrollin e kryer nga policia janë gjetur dhe konfiskuar edhe dy thika.
I dyshuari është arrestuar dhe pas intervistimit në prani të zyrtarit të Qendrës për Punë Sociale, me vendim të prokurorit është dërguar në mbajtje.