-
Nga:
Nexhat Tovërlani
- 6 tetor 2020 22:41
- Shpërndaje në:
Një person është plagosur me armë zjarri në Podujevë sot rreth orës 18:30, ka njoftuar zëdhënësja e Policisë së Kosovës, Flora Ahmeti.
Ngjarja ka ndodhur në rrugën “19 qershori”.
“Sot rreth orës 18:30, policia ka marrë një informatë për një plagosje me arme zjarri në rrugën "19 qershori" në Podujevë. Menjëherë në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare në këtë vend është plagosur 1 person. I njëjti është dërguar për trajtim mjekësor. Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, ka njoftuar Ahmeti, raporton KOHA.