Një person ka vdekur si pasojë e vetaksidentit të ndodhur në rrugën Bresje – Fushë-Kosovë.
Aksidenti ka ndodhur në orët e para të së martës, ka deklaruar për KOHËN zëdhënësi i Policisë, Bajram Krasniqi.
“Rreth orës 01:00, datë 11.11. 2025, policia është njoftuar për një aksident trafiku në dalje të autostradës në Bresje – Fushë-Kosovë. Në aksident është përfshirë një veturë, një person ka pësuar lëndime dhe ekipi mjekësor ka konstatuar se i njëjti është pa shenja jete”, ka thënë ai.
Policia ka njoftuar se është marrë me procedurat në vend ngjarje.