-
Përktheu:
Vita Abrashi-Kajtazi
- 8 korrik 2026 09:30
- Shpërndaje në:
Nëse po kërkoni ushqim të lehtë që mund të ndihmojë në ruajtjen e shëndetit të veshkave, dietologët rekomandojnë një kombinim të thjeshtë: një mollë dhe një grusht bajame pa kripë në ditë, ka shkruar EatingWell.
Veshkat punojnë pa ndërprerë për të larguar mbetjet nga organizmi dhe për të ruajtur ekuilibrin e lëngjeve. Sipas ekspertëve, zgjedhjet e përditshme ushqimore mund t’ua lehtësojnë ose t’ua vështirësojnë këtë punë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Më pëlqen të rekomandoj feta molle të shoqëruara me bajame. Është një ushqim i lehtë që mbështet shëndetin e veshkave”, ka thënë dietologia Vanessa Connolly
Ekspertët shpjegojnë se mollët kanë pak kalium dhe fosfor, dy minerale që mund të grumbullohen në organizëm te personat me funksion të dobësuar të veshkave. Ndërsa bajamet përmbajnë më shumë nga këto minerale, një grusht i vogël konsiderohet një sasi e përshtatshme për shumicën e njerëzve.
Ky kombinim është gjithashtu i pasur me fibra. Mollët përmbajnë fibra të tretshme, ndërsa bajamet ofrojnë fibra, proteina dhe yndyra të shëndetshme. Këto ndihmojnë në mbajtjen më të qëndrueshme të nivelit të sheqerit në gjak, gjë që është e rëndësishme, pasi diabeti është një nga shkaktarët kryesorë të sëmundjeve të veshkave.
“Bajamet përmbajnë yndyra të shëndetshme dhe polifenole që mbështesin shëndetin e zemrës, i cili është i lidhur ngushtë me funksionimin e veshkave”, ka shtuar dietologia Whitney Stuart.
Edhe mollët kontribuojnë në shëndetin e zemrës falë fibrave dhe përbërësve të tyre natyralë. Kur zemra dhe enët e gjakut funksionojnë mirë, edhe veshkat furnizohen më mirë me gjak.
Sipas dietologes Rachael Ajmera, një tjetër përfitim është se ky kombinim përmban pak kripë dhe sheqer të shtuar.
“Sasia e tepërt e kripës dhe sheqerit të shtuar mund të rëndojë punën e veshkave dhe, me kalimin e kohës, të rrisë rrezikun e dëmtimit të tyre”, ka thënë ajo.
Ekspertët këshillojnë që, përveç ushqyerjes së shëndetshme, të kujdeseni edhe për stilin e jetesës. Ata rekomandojnë të flini 7-8 orë çdo natë, të jeni fizikisht aktivë të paktën 30 minuta në shumicën e ditëve, të mbani nën kontroll tensionin e gjakut dhe sheqerin, të reduktoni stresin, si dhe të kufizoni konsumimin e alkoolit.
Dietologët theksojnë se nuk ekziston një ushqim “magjik” që mbron veshkat, por një mollë e shoqëruar me një grusht bajame pa kripë është një zgjedhje e thjeshtë dhe e shëndetshme që mund të bëhet pjesë e rutinës së përditshme.
Megjithatë, personat që vuajnë nga sëmundje të veshkave duhet të këshillohen me mjekun ose dietologun e tyre për sasinë e përshtatshme të kaliumit, fosforit dhe ushqimeve që duhet të konsumojnë.