Të shtunën në palestrën “Bill Clinton” në Ferizaj do të luhen ndeshjet për Superkupën e Kosovës në hendboll.
Fillimisht nga ora 17:30 takohen hendbollistet e Istogut me ato të Ferizajt.
Vjet Superkupën e fitoi Ferizaj, ndërsa në dy edicionet e para fitues ishte Istogu.
Ndërkohë prej orës 20:00 është ndeshja mes hendbollistëve të Rahovecit dhe atyre të Kastriotit.
Rahoveci është fitues në fuqi i Superkupës e po ashtu kampion.
Ndërkohë Kastrioti e kërkon trofeun e parë të Superkupës. Kastrioti është fitues në fuqi i Kupës.