Kandidati për kryetar të Prishtinës nga radhët e Partisë Demokratike të Kosovës, Uran Ismaili, sot ka takuar sërish banorët në Kodrën e Trimave, ku ka shpërndarë numrin e fundit të gazetës javore “Koha për Prishtinën”.
Në këtë vizitë, Ismaili i ka ftuar qytetarët personalisht në tubimin e fundit që do të mbahet sonte në këtë lagje.
Tubimi pritet të mbahet në shkollën “Zenel Hajdini”, duke filluar nga ora 19:00.
“Koha e lagjeve të harruara përfundon me 12 tetor! Shihemi sonte në Kodrën e Trimave, te shkolla ‘Zenel Hajdini’ në ora 19:00. Ndryshimi është afër, koha jonë ka ardhur”, ka shkruar Ismaili.
