-
Përktheu:
Flutura Gashi-Mehmeti
- 29 qershor 2025 12:56
- Shpërndaje në:
Shefi i shtabit të forcave të armatosura të Iranit, Abdolrahim Mousavi, ka thënë se Teherani nuk është i bindur se Izraeli do të respektojë armëpushimin që i ka dhënë fund luftës së tyre 12-ditore në fillim të këtij muaji.
"Ne nuk e filluam luftën, por i jemi përgjigjur agresorit me gjithë fuqinë tonë, dhe meqenëse kemi dyshime serioze mbi përmbushjen e angazhimeve të armikut, përfshirë armëpushimin, jemi gati të përgjigjemi me forcë nëse sulmohemi përsëri”, është cituar Mousavi të thoshte nga televizioni shtetëror, gjashtë ditë pas armëpushimit që Donald Trumpi e ka njoftuar me nxitim të martën.
Irani ka këmbëngulur se nuk do të heqë dorë nga programi i tij bërthamor.
Parlamenti i tij ka rënë dakord të përshpejtojë një propozim që do të ndalonte në mënyrë efektive bashkëpunimin e vendit me Agjencinw Ndërkombëtare për Energjinë Atomike (IAEA) e cila e ka monitoruar programin për vite me radhë.
E shefi i IAEA-s, Rafael Grossi ka thënë të shtunën se Irani ka kapacitetin të rifillojë pasurimin e uraniumit, për një bombë të mundshme – brenda “disa muajsh”.
