A po ua vështirëson punën portierëve topi i Kupës së Botës?

Portierët kanë shkëlqyer vazhdimisht në këtë Kupë Bote.

Futbollistët e Spanjës nuk gjetën një mënyrë për ta kaluar numrin një të Kepit të Gjelbër, Vozinhan.

Portieri Eloy Room, bëri 15 pritje, ndërsa ekipi i tij Kuraçao, fitoi pikën e parë në Kupën e Botës.

Alireza Beiranvand i Iranit realizoi një sërë pritjesh të shkëlqyera për ta ndalur Belgjikën në barazim pa gola.

Megjithatë, ka pasur edhe disa raste të portierëve që janë kapur në befasi.

Jordan Pickford i Anglisë dhe Edouard Mendy i Senegalit janë vetëm disa nga emrat e njohur që nuk ia kanë dalë ta mbajnë topin në duar.

Luca Zidane i Algjerisë ka pranuar gola të “çuditshëm” në dy raste të ndryshme, kundër Argjentinës dhe Jordanisë.

Portieri i Irakut, Ahmed Basil, gjithashtu nuk ishte në gjendje të përballonte gjuajtjen e Kylian Mbappes nga distanca, pavarësisht se e preki pak topin, duke e shtyrë analistin e “BBC Sport: dhe ish-portierin e Anglisë, Joe Hart, të jepte një shpjegim.

“Po e shoh këtë gol shumë herë për një Kupë Bote që të mos ketë diçka të gabuar me atë topin e futbollit”, tha ai.

A mund të bënte vërtet Trionda kaq shumë ndryshim?

Schmeichel: Ata bëjnë topa për të shënuar gola

Kasper Schmeichel mendon kështu.

Ish-portieri i Danimarkës u njoh me topin “Adidas” shumë kohë para se të fillonte turneu.

Schmeichel u stërvit me Trionda pas daljes në treg të tij, në tetor 2025, vetëm që skuadra e tij të humbiste finalen e plejofit ndaj Çekisë.

Tani në pension, Schmeichel është në një pozicion të mirë për të dhënë një pasqyrë të asaj që ai e quan “ndryshimi i topave”.

“Gjëja me këtë është se këtë herë ka katër shtresa” i tha ai në “podcastin” e “BBC-së”. “Nuk ka qepje - është e gjitha e lidhur së bashku”.

“Kur e përzien këtë me motin e ndryshëm, dendësinë e ajrit, ka më pak rezistencë ndaj topit, që do të thotë se nuk rrotullohet aq shumë. Ata bëjnë topa për të shënuar gola”.

Sigurisht që ka pasur shumë gola tashmë.

Në fakt, ka pasur dy herë më shumë (20) sesa gjatë gjithë fazës së grupeve në vitin 2022.

Sipas faqes së specializuar për statistika “Opta”, numri i gabimeve që çojnë në gola është gjithashtu në rritje.

Deri më tani janë bërë 11 deri më tani në Shtetet e Bashkuara, Kanada dhe Meksikë - më shumë sesa në fazat e grupeve në çdo një nga shtatë Kupat e Botës të fundit.

Edhe pse duhet pranuar se janë luajtur gjashtë ndeshje të tjera deri në këtë pikë, pas rritjes së numrit të pjesëmarrësve në Botëror, është një rritje e konsiderueshme.

“Po vërej në këtë turne se portierët po e prekin topin mbi lartësinë e shpatullave dhe thjesht nuk janë në gjendje ta mbajnë jashtë, kështu që diçka nuk shkon”, ka thënë ish-portieri i Anglisë, Joe Hart.

'Portieri është një lojë me diferencë'

“Adidas” kaloi rreth tre vjet e gjysmë duke zhvilluar topin dhe kreu rreth 300 teste laboratorike.

Dizajnerët madje e provuan atë në shtatë nga 16 qytetet pritëse të Kupës së Botës për t’u siguruar që ai të funksiononte në të gjitha llojet e kushteve atmosferike.

Pas prezantimit të tij, “Adidas” theksoi se konstruksioni me katër shtresa - më i pakti ndonjëherë për një top të Kupës së Botës - ishte projektuar me “qepje qëllimisht të thella” dhe “vija të ngulitura të vendosura strategjikisht përgjatë ikonave të vendit të ngulitura”.

“Krijon një sipërfaqe topi që prodhon stabilitet optimal gjatë fluturimit duke siguruar që të ketë rezistencë të mjaftueshme dhe të shpërndarë në mënyrë të barabartë ndërsa kalon nëpër ajër”, tha “Adidas”.

Disa janë përshtatur qartësisht më shpejt se të tjerët, por Hart ka theksuar se si një numër portierësh kanë pasur vështirësi me kohën dhe trajektoren e topit kur nuk është një përpjekje për të goditur topin.

Schmeichel, në mënyrë të ngjashme, mendon se “shpejtësia është gjëja kryesore me këtë”.

“Nuk lëkundet aq shumë, por shpejtësia e mënyrës se si e godasin është paksa  ndryshe”, tha ish-portieri i Leicester Cityt dhe Celticut.