Barcelona në çerekfinale pas paraqitjes mbresëlënëse

Barcelona ka shfaqur futboll të jashtëzakonshëm ndaj Newcastle Unitedit të mërkurën mbrëma dhe ka avancuar në çerekfinale të Ligës së Kampionëve. 

Barcelona në “Camp Nou” fitoi me rezultatin 7:2 dhe ka avancuar tutje me rezultatin e përgjithshëm 8:3. 

Ndeshja e parë në udhëtim javën e kaluar u mbyll 1:1. 

Pjesa e parë ishte më e niveluar dhe përfundoi 3:2 në të mirë të Barcelonës. 

Raphinha shënoi për 1:0 me asistim të Fermin Lopezit, ndërsa Anthony Elanga i barazoi shifrat në minutën e 15-të. 

Tre minuta më pas, talenti 18-vjeçar Marc Bernal, realizoi për 2:1. Por Newcastle nuk u dorëzua dhe i barazoi shifrat sërish me Elangan, në minutën e 28-të. 

Pak para përfundimit të pjesës së parë, Barcelona fitoi penallti pas rishikimit të situatës në VAR. Ekzekutimin e penalltisë e mori përsipër superylli, Lamine Yamal, që shënoi për 3:2 në minutën e shtatë shtesë të pjesës së parë. 

Pjesa e dytë i takoi në tërësi skuadrës “blaugrana”. 

Fermin Lopez e shënoi golin e dytë personal në ndeshje në minutën e 51-të, me asistim të Raphinhas. Raphinha në minutën e 56-të asistoi edhe në golin për 5:2 për Robert Lewandowskin, i cili shënoi tjetër gol në minutën e 61-të, me asistim të Lamine Yamalit. 

Rezultatin përfundimtar e vendosi braziliani Raphinha, në minutën e 72-të. 

Barcelona për shkak të lëndimit në këtë ndeshje e humbi portierin e parë, Joan Garcia. Ai u zëvendësua nga Wojciech Szczesny. 

Barcelona në çerekfinale do të përballet me fituesin e ndeshjes Tottenham – Atletico Madrid, që nis në orën 21:00. Ndeshjen e parë në “Wanda Metropolitano”, Atletico e fitoi 5:2. 
Çerekfinalet e Ligës së Kampionëve zhvillohen më 7 dhe 8 prill, kurse ato kthyese më 14 dhe 15 prill.

Barcelona po e “shkel” Newcastlen

Barcelona po e shkatërron Newcastlen 7:2.

Golin e shtatë e shënoi braziliani Raphinha. 

Ai golin e dytë personal e shënoi në minutën e 72-të, pasi shfrytëzoi gabimin në mbrojtjen mysafire. Raphinha i ka edhe dy asistime në këtë ballafaqim.

Lewandowski shpërthen në pjesën e dytë

Pasi shpërdoroi disa mundësi në pjesën e parë, Robert Lewandowski ka shpërthyer në pjesën e dytë.

Sulmuesi polak e realizoi golin e dytë personal në minutën e 61-të, për rezultatin 6:2 për Barcelonën ndaj Newcastlet.

Barcelona shënon sërish, dominon ndaj Newcastlet

Robert Lewandowski e ka shënuar golin e pestë për Barcelonën që është duke fituar 5:2 ndaj skuadrës së Premier Leagues angleze.

Sulmuesi polak realizoi me asistim të Raphinhas në minutën e 56-të.

Raphinha asistoi edhe në golin e katërt, ndërsa e shënoi golin për 1:0 me asistim të Fermin Lopezit.

Barcelona shënon golin e katërt ndaj Newcastlet

Fermin Lopez e ka shënuar golin e katërt për Barcelonën në ndeshjen ndaj Newcastlet. Lopez shënoi golin për 4:2 me asistim të Raphinhas.

Mbyllet pjesa e parë e superndeshjes në “Camp Nou”

Pjesa e parë e superndeshjes ndërmjet Barcelonës dhe Neëcastlet, duelit kthyes të një të tetës së finales së Ligës së Kampionëve, është mbyllur me rezultatin 3:2 në të mirë të skuadrës “blaugrana”. 

Barcelona fitoi penallti në minutën e pestë të shtesës në pjesën e parë, të cilën në gol e konkretizoi spanjoll Lamine Yamal.  

Braziliani Raphinha e shënoi golin për 1:0 në minutën e gjashtë. 

Anthony Elanga realizoi për 1:1 në minutën e 15-të, ndërsa Marc Bernal realizoi për 2:1 në minutën e 18-të. 

Dhjetë minuta më vonë, Elanga realizoi sërish për 2:2. 

Para se ta shënonte golin për 3:2 nga penalltia, Barcelona pati edhe disa mundësi tjera.

Yamali shënon për 3:2

Supertalenti Lamine Yamal ka shënuar për 3:2 në të mirë të Barcelonës ndaj Newcastlet. 

Yamali realizoi nga penalltia në minutën e shtatë shtesë të pjesës së parë.

Superndeshje në “Camp Nou”, barazohet rezultati

Është shënuar goli i katërt në “Camp Nou”.

Golin e barazimit 2:2 për Newcastlen e shënoi sërish Anthony Elanga.

Ai shënoi golin e dytë personal në minutën e 28-të pas një gabimi të Lamine Yamalit.

Barcelona kthen epërsinë

Barcelona e ka kthyer epërsinë ndaj Newcastlet. 

Tani është duke fituar 2:1. 

Talenti 18-vjeçar, mesfushori Marc Bernal, shënoi për 2:1. 

Ai realizoi nga afërsia në minutën e 18-të.

Tjetër gol në “Camp Nou”

Tjetër gol është shënuar në “Camp Nou” në ndeshjen mes Barcelonës dhe Newcastlet. 

Sulmuesi Anthony Elanga i barazoi shifrat për Newcastlen në minutën e 15-të. 

Tani rezultati është 1:1.

Epërsi e hershme e Barcelonës

Barcelona ka krijuar epërsi të hershme ndaj Newcastlet, në ndeshjen kthyese të një të tetës së finales në Ligën e Kampionëve.

Golin e epërsisë 1:0 për Barcelonën e shënoi kapiteni, Raphinha në minutën e gjashtë.

Ndeshja e parë kishte përfunduar baras, 1:1.

GOLI