-
Përktheu:
Vita Abrashi-Kajtazi
- 20 prill 2026 11:55
- Shpërndaje në:
Kujdesi për shëndetin e zorrëve është kthyer në një nga format më të rëndësishme të kujdesit për veten.
Ekspertët theksojnë se ajo që hamë çdo ditë ndikon drejtpërdrejt në bakteret e mira në zorrë, dhe kjo, sipas tyre, ndikon në gjithçka, nga tretja deri te humori.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ajo që hani ka ndikimin më të madh në mikrobiomën tuaj të zorrëve. Nëse ushqeheni me shumë produkte bimore dhe ushqime të fermentuara, ushqeni bakteret e mira. Nëse dieta është e varfër në fibra dhe e pasur me ushqime të përpunuara, ndodh e kundërta”, ka shpjeguar dietologia Emily English, ka shkruar prestigjiozja GQ.
Pse është i rëndësishëm shëndeti i zorrëve?
Zorrët nuk shërbejnë vetëm për tretje. Ato janë si një “qendër kontrolli” për trupin. Rreth 70 për qind e sistemit imunitar ndodhet aty dhe bakteret e mira ndihmojnë në uljen e inflamacionit, balancimin e hormoneve dhe ndikojnë edhe në humor.
Sipas dietologes Rachel Gargano, shenjat e zorrëve jo të shëndetshme mund të jenë: fryrje, kapsllëk, ndryshime në peshë, probleme me gjumin, ndryshime në humor apo probleme me lëkurën.
Çka duhet të hani?
Ekspertët rekomandojnë tri grupe kryesore:
-Ushqime me fibra (perime, drithëra, bishtajore)
-Ushqime të fermentuara (kos, kefir, turshi)
-Ushqime me polifenole (manaferra, vaj ulliri, erëza)
“Probiotikët janë bakteret e mira, ndërsa prebiotikët janë ushqimi për këto baktere”, ka shpjeguar doktoresha Wuraola Adeyemo.
Më poshtë janë 11 ushqimet më të mira për shëndetin e zorrëve:
Tërshëra
E pasur me fibra që ushqejnë bakteret e mira. “Përmban beta-glukan, një lloj fibre prebiotike shumë e dobishme”, ka thënë Gargano.
Brokoli
Përmban substanca që luftojnë inflamacionin dhe mund të ndihmojnë në parandalimin e disa sëmundjeve.
Fasule të pjekura
Të pasura me fibra dhe niseshte rezistente. “Janë ushqim i shkëlqyer për mikrobiomën”, ka thënë doktoresha Sammie Gill.
Bananet
Ndihmojnë tretjen dhe janë të mira për kapsllëkun. Bananet pak të papjekura kanë më shumë efekt prebiotik.
Kivi
Ndihmon në tretjen e ushqimit dhe përmban shumë vitaminë C.
Mjedrat
Një nga frutat me më së shumti fibra. “Ndihmojnë tretjen dhe luftojnë inflamacionin”, ka thënë English.
Salmoni
I pasur me omega-3 që ndihmon jo vetëm zorrët, por edhe trurin.
Farat chia
Shumë të pasura me fibra. “Mund të mbajnë deri në 15 herë peshën e tyre në ujë, duke ndihmuar tretjen”, ka thënë Gill.
Kos (me përbërës aktivë)
“Sigurohuni që të ketë ‘përbërës aktivë’ në etiketë”, këshillon Gargano.
Kefiri
Një nga burimet më të mira të probiotikëve që ndihmojnë balancën e baktereve në zorrë.
Perime të fermenentuara apo turshi
Perimet e fermentuara rrisin diversitetin e baktereve të mira.
Ekspertët thonë se ushqimi i plotë është gjithmonë zgjedhja më e mirë, por ndonjëherë suplementet mund të ndihmojnë.
“Nëse dieta juaj është e kufizuar, jeni nën stres apo keni kaluar një sëmundje, suplementet mund të ndihmojnë”, ka thënë English.
Megjithatë, QG shkruan se rekomandohet që gjithmonë të konsultoheni me mjekun para se të merrni suplemente, sidomos nëse keni probleme ekzistuese shëndetësore.